Officium de immaculata Conceptione B. V. Mariae (Godzinki do Niepokalanego Poczęcia Najświętszej Maryji Panny)


Officium de immaculata Conceptione B. V. Mariae

Godzinki do Niepokalanego Poczęcia Najświętszej Maryji Panny


plik .doc do pobrania


Ad Matutinum



V. Eja mea labia, nunc annuntiate
R. Laudes et praeconia Virginis beatae.
V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, mundi Domina; Coelorum regina:
Salve, Virgo Virginum; Stella matutina.

Salve, plena gratia; Clara luce divina;
Mundi in auxilium; Domina, festina.

Ab aeterno Dominus; Te praeordinavit
Matrem unigeniti; Verbi, quo creavit.

Terram, pontum, aethera: Te pulchram ornavit
Sibi sponsam, que in; Adam non peccavit.

V. Elegit eam Deus, et praelegit eam.
R. In tabernaculo suo habitare facit eam.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Primam



V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, Virgo sapiens; Domus Deo dicata:
Columna septemplici; Mensaque exornata.

Ab omni contagio; Mundi praeservata,
Semper sancta in utero; Matris, ex qua nata.

Tu mater viventium; Et porta es sanctorum:
Nova stella Jacob; Domina Angelorum.

Zabulo terribilis; Acies castrorum:
Portus et refugium; Sis christianorum.

V. Ipse creavit illam in Spiritu sancto.
R. Et effudit illam super omnia opera sua.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Tertiam



V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, arca foederis; Thronus Salomonis:
Arcus pulcher aetheris; Rubus visionis:

Virga frondens germinis; Vellus Gedeonis:
Porta clausa numinis; Favusque Samsonis.

Decebat tam nobilem; Natam praecavere
Ab originali; Labe matris Evae:

Almam, quam elegerat; Genitricem vere:
Nulli prorsus sinens; Culpae subjacere.

V. Ego in altissimis habito.
R. Et thronus meus in columna nubis.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Sextam



V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, Virgo peurpera; Templum Trinitatis:
Angelorum gaudium; Cella puritatis:

Solamen moerentium; Hortus voluptatis:
Palma patientiae; Cedrus castitatis.

Terra es benedicta; Et sacerdotalis,
Sancta et immunis; Culpae originalis.

Civitas altissimi; Porta orientalis,
In te est omnis gratia; Virgo singularis.

V. Sicut lilium inter spinas.
R. Sic amica mea inter filias Adae.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Nonam



V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, urbs refugii; Turrisque munita
David propugnaculis; Armisque insignita.

In Conceptione; Caritate ignita,
Draconis potestas; Est a te contrita.

O mulier fortis; Et invicta Judith !
Pulchra Abisag virgo; Verum fovens David.

Rachel curatorem; Aegypti gestavit:
Salvatorem mundi; Maria portavit.

V. Tota pulchra es, amica mea:
R. Et macula originalis nunquam fuit in te.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Vesperas



V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, horologium; Quo retrogradiatur
Sol in decem lineis: Verbum incarnatur.

Homo ut ab inferis; Ad summa attollatur,
Immensus ab Angelis; Paulo minoratur.

Solis hujus radiis; Maria coruscat:
Consurgens aurora; In conceptu micat.

Lilium inter spinas; Quae serpentis conterat
Caput, pulchra ut luna; Errantes collustrat.

V. Ego feci in coelis ut oriretur lumen indeficiens;
R. Et quasi nebula texi omnem terram.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Ad Completorium



V. Convertat nos, Domina, tuis precibus placatus
Jesus Christus Filius tuus:
R. Et avertat iram suam a nobis.
V. Domina, in adjutorium meum intende
R. Me de manu hostium potenter defende.

Gloria Patri et Filio et Spiritui Sancto, etc.
Alleluja, alleluja, alleluja. vel
Laus tibi Domine, rex aeternae gloriae.

Hymnus

Salve, Virgo florens; Mater illibata,
Regina clementiae; Stellis coronata:

Supra omnes Angelos; Pura immaculata,
Atque ad Regis dexteram; Stans veste deaurata.

Per te, mater gratiae; Dulcis spes reorum;
Fulgens stella maris; Portus naufragorum:

Patens coeli janua; Salus infirmorum,
Videamus regem; In aula Sanctorum.

V. Oleum effusum, Maria, nome tuum:
R. Servi tui dilexerunt te nimis.


V. Domina, protege orationem meam.
R. Et clamor meus ad te veniat.

Oremus

Sancta Maria, regina coelorum, Mater Domini nostri
Jesu Christi, et mundi Domina,
quae nullum derelinquis, et nullum despicis;
respice me, Domina, clementer oculo pietatis,
et impetra mihi apud tuum dilectum Filium
cunctorum veniam peccatorum:
ut qui nunc tuam sanctam et immaculatam
Conceptionem devoto affectu recolo,
aeternae in futurum beatitudinis bravium capiam,
ipso, quem Virgo peperisti,
donante Domino nostro Jesu Christo,
qui cum Patre et Spiritu sancto vivit et regnat,
in unitate perfecta,
Deus in saecula saeculorum. Amen.

V. Domina, protege orationem meam.
R. Et clamor meus ad te veniat.
V. Benedicamus Domino.
R. Deo gratias.
V. Et fidelium animae per misericordiam Dei
requiescant in pace.
R. Amen.


Commendatio



Supplices offerimus; Tibi, Virgo pia,
Haec laudum praeconia: Fac nos, ut in via

Ducas cursu prospero; Et in agonia
Tu nobis assiste; O dulcis Maria !

Ant. Haec est virga, in qua nec nodus originalis,
nec cortex actualis culpae fuit.

V. In Conceptione tua, Virgo, immaculata fuisti.
R. Ora pro nobis Patrem, cujus Filium peperisti.


Oremus

Deus, qui per immaculatam Virginis Conceptionem
dignum Filio tuo habitaculum praeparasti,
quaesumus, ut qui ex morte ejusdem Filii tui
praevisa eam ab omni labe praeservasti,
nos quoque mundos ejus intercessione
ad Te pervenire concedas.
Per eundem Christum Dominum nostrum.

R. Amen.


Litaniae Lauretanae



Kyrie eleison. Christe eleison. Kyrie eleison.
Christe, audi nos. Christe exaudi nos.
Pater de coelis Deus, miserere nobis.
Fili Redemptor mundi Deus, miserere nobis.
Spiritus sancte Deus, miserere nobis.
Sancta Trinitas unus Deus, miserere nobis.

Sancta Maria, ora pro nobis.
Sancta Dei Genitrix, ora pro nobis.
Sancta Virgo Virginum, ora pro nobis.
Mater Christi, ora pro nobis.
Mater divinae gratiae, ora pro nobis.
Mater purissima, ora pro nobis.
Mater castissima, ora pro nobis.
Mater inviolata, ora pro nobis.
Mater intemerata, ora pro nobis.
Mater amabilis, ora pro nobis.
Mater admirabilis, ora pro nobis.
Mater Creatoris, ora pro nobis.
Mater Salvatoris, ora pro nobis.
Virgo prudentissima, ora pro nobis.
Virgo veneranda, ora pro nobis.
Virgo praedicanda, ora pro nobis.
Virgo potens, ora pro nobis.
Virgo clemens, ora pro nobis.
Virgo fidelis, ora pro nobis.

Speculum justitiae, ora pro nobis.
Sedes sapientiae, ora pro nobis.
Causa nostrae laetitiae, ora pro nobis.
Vas spirituale, ora pro nobis.
Vas honorabile, ora pro nobis.
Vas insigne devotionis, ora pro nobis.
Rosa mystica, ora pro nobis.
Turris Davidica, ora pro nobis.
Turris eburnea, ora pro nobis.
Domus aurea, ora pro nobis.
Foederis arca, ora pro nobis.
Janua coeli, ora pro nobis.
Stella matutina, ora pro nobis.
Salus infirmorum, ora pro nobis.
Refugium peccatorum, ora pro nobis.
Consolatrix afflictorum, ora pro nobis.
Auxilium christianorum, ora pro nobis.

Regina Angelorum, ora pro nobis.
Regina Patriarcharum, ora pro nobis.
Regina Prophetarum, ora pro nobis.
Regina Apostolorum, ora pro nobis.
Regina Martyrum, ora pro nobis.
Regina Confessorum, ora pro nobis.
Regina Virginum, ora pro nobis.
Regina Sanctorum omnium, ora pro nobis.
Regina sine labe originali concepta, ora pro nobis.
Regina sacratissimi Rosarii, ora pro nobis.


Agnus Dei, qui tollis peccata mundi,
parce nobis Domine.
Agnus Dei, qui tollis peccata mundi,
exaudi nobis Domine.
Agnus Dei, qui tollis peccata mundi,
miserere nobis.

Sub tuum praesidium confugimus,
sancta Dei Genitrix;
nostras deprecationes ne despicias
in necessitatibus nostris,
sed a periculis cunctis libera nos semper,
Virgo gloriosa et benedicta,
Domina nostra, mediatrix nostra, advocata nostra,
tuo Filio nos reconcilia,
tuo Filio nos commenda,
tuo Filio nos repraesenta.

V. Ora pro nobis, sancta Dei Genitrix:
R. Ut digni efficiamur promissionibus Christi.

Oremus

Gratiam tuam, quaesumus Domine, mentibus nostris
infunde: ut qui Angelo nuntiante Christi Filii tui
incarnationem cognovimus, per passionem ejus
et crucem ad resurrectionis gloriam perducamur.
Per eundem Christum Dominum nostrum.
Amen.

V. Ora pro nobis, beatissime Joseph:
R. Ut digni efficiamur promissionibus Christi.

Oremus

Sanctissimae Genitricis tuae sponsi, quaesumus
Domine, meritis adjuvemur, ut quod possibilitas nostra
non obtinet, ejus nobis intercessione donetur.
Qui vivis et regnas in saecula saeculorum.
Amen.

V. Domine, exaudi orationem meam:
R. Et clamor meus ad Te veniat.
V. Benedicamus Domino.
R. Deo gratias.
V. Fifelium animae per misericordiam Dei
requiescant in pace.
R. Amen.